لاہور سمیت پنجاب کے مختلف شہروں میں جل تھل، بجلی کی بندش

اسلام آباد: مختلف علاقوں میں کہیں ہلکی کہیں تیز بارش جاری، بارش کے باعث بجلی کا نظام بھی متاثر ہورہا ہے۔

سڑکیں، گلیاں ندی نالوں کا منظر پیش کرنے لگی ہیں، جس باعث عوام کو ٹریفک کی روانی میں بھی مشکلات کا سامنا کرنا پڑ گیا۔

محکمہ موسمیات کے مطابق بارشوں کا یہ سلسلہ 26 جولائی تک جاری رہنے کا امکان ہے، موسلادھار بارش کے نتیجے میں نشیبی علاقے زیر آب آنے کا خدشہ ہے۔

اسلام پورہ ، گوالمنڈی، ایبٹ روڈ، ہال روڈ، مال روڈ ، ڈیوس روڈ، گڑھی شاہو، نشتر کالونی، گلشن راوی، ہربنس پورہ سمیت شہر بھر میں بارش سے موسم خوشگوار ہو گیا جبکہ نشیبی علاقے زیر آب آگئے۔

دوسری جانب پنجاب کے وسطی علاقوں میں صبح سویرے موسلادھار بارش وقفے وقفے سے جاری ہے۔

ترجمان لیسکو کے مطابق لیسکو چیف شاہد حیدر نے بارش شروع ہوتے ہی تمام فیلڈ سٹاف کو ہائی الرٹ کر دیا ہے اور بارش کے رکتے ہی بجلی بحالی کا عمل شروع کر دیا جائے گا، صارفین بارش کے دوران بجلی کی تنصیبات سے دور رہیں، اپنے بچوں کو تاکید کریں کے وہ بجلی کے پولز کے قریب نہ جائیں۔