پولیس ودیگرافسران کی موجودگی میں ڈی آئی جی شارق جمال کی نماز جنازہ ادا کر دی گئی

 پنجاب پولیس کے ڈپٹی انسپکٹر جنرل (ڈی آئی جی) ٹریفک شارق جمال گذ شتہ روز پراسرار طور پر انتقال کر گئے تھے، جن کی لاش فلیٹ نمبر 104 تھانہ نشتر کی حدود سے ملی تھی  جبکہ وہ ڈیفنس فیز فور میں رہائش پذیر تھے۔

ڈی آئی جی  شارق جمال کی نماز جنازہ مقبول ترین روڈ اچھرہ میں ادا کی گئی ۔ نماز جنازہ میں ڈی آئی جی آپریشنز سمیت دیگر افسران، عشرہ داروں اور دوست احباب نے شرکت کی ۔نماز جنازہ کے بعد میت تدفین کے لیے روانہ کردی گئی۔

واضح رہے کہ  ڈی آئی جی شارق جمال کی اچانک موت پولیس افسران کے لیے معمہ بن گئی۔ پولیس نے شارق جمال کے فلیٹ سے کھانے پینے کی چند اشیاء اور برتنوں کو معائنے کیلئے قبضہ میں لے لیا۔ 

پولیس ذرائع نے بتایا ہے کہ  ایک خاتون  اور اس کا خاوند فلیٹ پر موجود تھا، جن کو پولیس نے حراست میں بھی لے لیا تھا نشتر کالونی کے علاقے میں فلیٹ کچھ عرصہ قبل شارق جمال نے ہی خریدا تھا۔ فلیٹ کے ایک ملازم کوبھی  پولیس نے حراست میں لیا ہے۔ جس نے بتایا ہے کہ خاتون اکثر اپنے خاوند کے ساتھ شارق جمال کو ملنے آتی تھی۔