شہباز شریف کا صحت مند غذا،تندرستی سدا  مہم کے اجرا کا اعلان

وزیراعظم محمدشہباز شریف نے صحت مند غذا ، تندرستی سدا  مہم کے حوالے سے کہا ہے کہ عوام کی اچھی صحت کا صاف اور صحت مند خوراک سے گہرا تعلق ہے۔

اپنے ایک ٹویٹ میں وزیراعظم نے کہا کہ یہ عوام کا حق ہے اورانہیں معلوم ہونا چاہئے کہ ان کو فراہم کردہ خوراک میں کیا اجزا شامل کیے گئے ہیں تاکہ وہ بہتر اور شفاف معلومات کی بنا پر اپنی خوراک کا انتخاب کر سکیں۔

عوام کی اچھی صحت کا صاف اور صحت مند خوراک سے گہرا تعلق ہے۔
یہ عوام کا حق ہے کہ انہیں یہ معلوم ہو کہ ان کو فراہم کردہ خوراک میں کیا اجزا شامل کیے گئے ہیں تاکہ وہ بہتر اور شفاف معلومات کی بنا پر اپنی خوراک کا انتخاب کر سکیں۔ میری ہدایت پر "صحت مند غذا ۔تندرستی سدا " مہم کا پورے…

— Shehbaz Sharif (@CMShehbaz) July 23, 2023

انہوں نے کہا کہ صحت مند غذا،تندرستی سدا  مہم کا پورے پاکستان میں اجرا کیا جا رہا ہے۔ اس مہم کے تحت ہر ریستوران کھانوں کی مکمل کیلوریز سے صارف کو آگاہ کرے گا۔ اس کے علاوہ کھانے پینے کی پیک شدہ اشیا پر ڈبلیو ایچ او کی سفارش کردہ تجاویز پر مبنی غذائیت کی مکمل معلومات بھی شائع کی جائیں گی۔

انہوں نے کہا کہ علاوہ ازیں ٹرانس فیٹ ایسڈ کو بھی صرف 2 فیصد تک محدود کیا جا رہا ہے تاکہ دل اور دیگر بیماریوں کا سد باب کیا جا سکے۔ وزیراعظم نے کہا کہ اس انتہائی اہم مہم کو میرا سٹریٹجک ریفارمز یونٹ تمام صوبوں کی فوڈ اتھارٹیز کے ساتھ مل کر پاکستان بھر میں پھیلا رہا ہے۔وزیر اعظم نے کہا کہ ہمارے ہسپتال ویران اور کھیلوں کے میدان آباد رہنے چاہئیں اور یہ مہم ایک صحت مند مستقبل کی نوید ثابت ہو گی۔