موجودہ حکومت نے 15 مہینوں میں ہر وہ کام کیا جس سے عوام کو تکلیف پہنچے، شیخ رشید

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے 23 دن کی حکومت نے 23 کروڑ لوگوں پر 50 روپے فی بنیادی یونٹ بجلی کی قیمت بڑھا کر جاتے جاتے 440 وولٹ کا کرنٹ لگادیا۔ جس کی تنخواہ 35 سے 50 ہزار روپے ہے وہ 15 سے 20 ہزار روپے بجلی کا بل کہاں سے دے گا۔ غریب سے جینے کا حق بھی چھین لیا ہے بجلی گیسں آٹا چینی غریب کی دسترس سے باہر ہو گئے ہیں۔

23 دن کی حکومت نے 23 کروڑ لوگوں پر 50 روپے فی بنیادی یونٹ بجلی کی قیمت بڑھا کر جاتے جاتے 440 وولٹ کا کرنٹ لگادیا جس کی تنخواہ 35 سے 50 ہزار روپے ہے وہ 15 سے 20 ہزار روپے بجلی کا بل کہاں سے دے گا15 مہینوں میں آئین اور قانون کا حلیہ ہی نہیں بگاڑه غریب سے جینے کا حق بھی چھین لیا ہے…

— Sheikh Rashid Ahmed (@ShkhRasheed) July 23, 2023

اپنے ٹویٹ میں شیخ رشید احمد نے لکھا کہا کہ بجلی، گیس، آٹا، چینی غریب کی دسترس سے باہر ہوگئے، موجودہ حکومت نے 15 مہینوں میں ہر وہ کام کیا جس سے ریلیف کے بجائے لوگوں کو تکلیف پہنچے، چادر اور چاردیواری کو روند ڈالا، بچوں اور خواتین کو گھروں سے اٹھایا، بے گناہوں کو جیلوں میں ڈالا، بربریت چنگیزیت اور انتقام کی سیاست کا یہ بدترین دور تھا، لوگ نہ صرف لاپتہ ہوئے بلکہ قتل بھی ہوئے خوف اور دہشتگردی کی ایسی فضاء قائم کی گئی کہ کوئی شخص سر اٹھا کے نہ چل سکے

سابق وفاقی وزیر کا کہنا تھا کہ پی ڈی ایم کا شیرازہ بکھرے گا جب اپنے اپنے انتخابی نشان پر الیکشن لڑیں گے تو انہیں لگ پتہ جائے گا، ہر حکومت یہی کہتی ہے کہ اُن کے پاس الہ دین کا چراغ نہیں جب 85 رکنی کابینہ ہوگی اربوں روپے کی نئی گاڑیاں لی جائیں گی 50 سے زائد غیر ملکی بےکار دورے کیے جائیں گے تو سارا بوجھ عوام پر پڑے گا۔ بارش کا پانی نکال نہیں سکتے آپریشن تھیٹر میں ڈیزل پہنچا نہیں سکتے لیکن بیوروکریٹ کے لیے پنجاب میں فوری 200 نئی گاڑیاں خرید سکتے ہیں

سربراہ عوامی مسلم لیگ نے مزید کہا کہ حکومت کے جانے کے تو دن گنے جا چکے ہیں لیکن نگران حکومت کے آنے اور جانے کا ابھی فیصلہ ہونا باقی ہے، جاتے جاتے آزادی صحافت کو بھی ہتھکڑیاں پہنا دی گئیں۔