حکومت ملی تو کشکول توڑ کر بنی گالہ پہنچا دیں گے ، شہباز شریف

 فیصل آباد میں تقریب سے خطاب کرتے ہوئے وزیراعظم پاکستان شہباز شریف نے کہا کہ ن لیگ اگر دوبارہ موقع ملا  تو نواز شریف ہی ملک کا وزیراعظم بنےگا،نواز شریف کے دور میں معیشت اوپر جا رہی تھی ، نواز شریف کو بے بنیاد الزامات میں پھنسایا گیا جھوٹے الزامات لگائے گئے، سابقی چیف جسٹس پاکستان ثاقب نثار اس سازشی ٹولے کا سربراہ تھا۔

انہوں نےمزید  کہا کہ قوم کو لٹیرے  کے پیچھے نہیں لگائیں گے، خانہ کعبہ کا ماڈل بیچ کر چور ڈاکو کی گردان نہیں کریں گے ،توشہ خانہ سے  گھڑی چوری کی اگرا س کے پیسےغریبوں پر لگادیتے تو اس سے اچھا اور کیا ہوتا۔

وزیراعظم پاکستان شہباز شریف  نے کہا کہ جن کی گردن میں سریا اور تکبر ہے اگر ان کی بات سننی ہے تو ملک کا اللہ ہی حافظ ہے۔

مزید کہا کہ ہم پاکستان کو اپنے پیروں پرضرور  کھڑا کریں گے، یہ لالٹین جلانے سے نہیں ہوگا  نہ ہی یہ کوئی علم کرنے سے ہوگا بلکہ نواز شریف ہی اب ملک کی تقدیر بدل سکتے ہیں،  ہم اگلے دور حکومت میں لاکھوں ،کروڑوں بچوں کو لیپ ٹاپ دیں گے۔

وزیراعظم نے کہا کہ ہم زراعت اور لاکھوں ایکڑ زمین کو آؓباد کریں گے، معدنیات کی دولت سے پورے پاکستان کو فیض یاب کریں گے۔

انہوں نے مزید کہا کہ الحمدللہ ہم نے پاکستان کو ڈیفالٹ ہونے سے بچایا ہے اور اب پاکستان اس خطرے سے مکمل طور پر نکل چکا ہے ، انشا اللہ اب پاکستان کے ڈیفالٹ ہونے کا دور دور تک کوئی امکان نہیں ہے۔