پاکستان سمیت پوری  دنیا کے اسلامی ممالک کو سویڈن سے اپنے اپنے سفیر واپس بلوا لینے چاہییں ،فضل الرحمن

سویڈن میں ہوئی  قرآن کی بےحرمتی کے خلاف اتوار کے روزکراچی پریس کلب کے باہر احتجاجی ریلی سے خطاب کرتے ہوئے انہوں نے کہا کہ قرآنکریم ، ناموس رسالت اور عقیدہ ختم نبوت مسلمانوں کی ریڑھ کی ہڈی ہے  اور سویڈن نے قرآن کریم کی بے حرمتی کر کے مسلمانوں کے جذبات مجروح کیا ہے۔

جمعیت علمائے اسلام (ف) نے سویڈن میں قرآن کی بے حرمتی کے خلاف اتوار کو  ملک گیر احتجاج کیا۔

مولانا فضل الرحمان نے کہا کہ دنیا کو جان لینا چاہیے کہ مسلمان قرآن کی حفاظت کرنا جانتے ہیں اوار اس مقدس مقصد پر کسی بھی طرح کی  قربانی دینے سے بھی گریز نہیں کریں گے 

’ہم خون دے کربھی  قرآن کریم  کی حفاظت کریں گے۔‘

انہوں نے کہا کہ اب وقت آ گیا ہے کہ قرآن کریم کی بےحرمتی کے خلاف احتجاج کے طور پر پاکستان سمیت پوری  دنیا کے تمام اسلامی ممالک کو سویڈن سے اپنے اپنے سفیر واپس بلوا لینے چاہیے۔

جے یو آئی ف کے سربراہ کا مزید کہنا تھا کہ یورپ میں اسلا م کو ختم کرنے کی جو کوششیں کی جا رہیں ہیں  انہیں کبھی  کامیاب نہیں ہونے دیں گے۔

’مسلمان بپھر گئے تو زمین تنگ کر دیں گے اور تمہیں کہیں جینے کا موقع نہیں ملے گا۔‘

انہوں نے کہا کہ مسلمان وسیع النظر ہیں اور حضرت محمد ﷺ کی طرح حضرت عیسیٰ علیہ السلام اورحضرت موسیٰ علیہ السلام کو بھی سچے پیغمبر اور انجیل اور تورات کو الہامی کتابیں سمجھتے ہیں۔