پاکستانی لڑکے کی محبت میں انڈین لڑکی پاکستان پہنچ گئی

 بھارتی شہر دہلی کی رہائشی 35 سالہ انجو کی فیس بک پر دیر بالا کے رہائشی 29 سالہ نصراللہ کے ساتھ دوستی ہو گئی تھی جس کے بعد بھارتی لڑکی دہلی سے خیبر پختون خوا کے شہر دیر بالا پہنچ گئی۔

بھارتی لڑکی انجو نے بیان دیا  ہے کہ ہم دونوں کے درمیان فیس بک پر ہوئی دوستی محبت میں بدل چکی ہے میں نصر اللہ کے بغیر نہیں رہ سکتی اس سے شادی کرنا چاہتی ہوں ۔

سیکیورٹی ذرائع سے بات چیت میں بتایا گیا ہے کہ انجو اور نصراللہ کے درمیان دوستی کی تحقیقات جاری ہیں، ابھی اس بات کی تصدیق نہیں ہوسکی کہ دونوں نے شادی کی یا نہیں۔

ڈی پی او دیر بالا مشتاق خان نےواقع کی  تصدیق کرتے ہوئے کہا ہے کہ انڈیا  سے فیس بک پر  دوستی کرنے  کے بعد لڑکی دیربالا  پہنچ گئی  ہے، لڑکی کے حوالے سے تحقیقات کی جا ری  ہیں، انڈیا سے دیر بالا آنے والی لڑکی پولیس کے ساتھ  ہی ہے اور سیکیورٹی ادارے بھی لڑکی سے پوچھ کچھ کررہے  ہیں، لڑکی جیسے ہی لڑکی کے حوالے سے معاملات کلیئر ہوں گے تو میڈیا کواسی وقت  صورت حال سے آگاہ کردیا جائے گا۔

محبت نے سرحدپارکرلی بھارتی لڑکی پاکستانی نوجوان کے عشق میں مبتلا ہوکر پاکستان پہنچ گئی #GNN #BreakingNews #NewsUpdates pic.twitter.com/0zx3Hes17l

— GNN (@gnnhdofficial) July 23, 2023