پاکستان ایمرجنگ ایشیا کپ کا فاتح بن گیا ،انڈیا کو شکست

پاکستان کی اے کرکٹ ٹیم نے عمدہ کارکرد گی مظا ہرہ کرتے ہوئے  ایمرجنگ ایشیا کپ کے فائنل میں انڈیا کو 128 رنز سے شکست دے کر ٹائٹل اپنے نام کر لیا۔

انڈیا نے ٹاس جیت کر پاکستان کو پہلے میچ کھیلنے کی دعوت د ی اور پاکستان نے مقررہ اوورز میں آٹھ وکٹوں پر 352 رنز بناتے ہوئے انڈیا کی اے ٹیم کو جیت کے لیے 353 رنز کا ہدف دیا۔

صائم ایوب 59 اور صاحبزادہ فرحان 65 رنز بنا کر آؤٹ ہوئے۔

طیب نے بہترین اننگز کھیلتے ہوئے چار چھکوں اور 12 چوکوں کی مدد سے 71 گیندوں پر 108 رنز بنا کر ٹیم کو 352 رنز کا مجموعی سکور بنانے میں اہم کردار ادا کیا۔

پاکستان کی جانب سے سفیان مقیم جو  سب سے کامیاب باؤلر رہے اور محمد وسیم جونیئر، ارشد اقبال اور مہران ممتاز نے دو، دو وکٹیں اپنے نام کیں۔