حکومت کی جانب سے صحافیوں اور میڈیا ورکرز کےلئے ہیلتھ انشورنس

 وفاقی وزیر اطلاعات و نشریات مریم اورنگزیب نے میڈیا ورکرز اور صحافیوں کے لئے ہیلتھ انشورنس فارم کا آن لائن اجراءکر دیا۔

پی ٹی وی ہیڈ کوارٹرز میں وفاقی وزیر اطلاعات نے صحافیوں کیلئے آن لائن رجسٹریشن فارم جاری کیا جو وزارت اطلاعات اور پریس انفارمیشن ڈیپارٹمنٹ کی ویب سائیٹس پر موجود ہے، صحافی آن لائن ہیلتھ انشورنس فارم کے ذریعے اپنی رجسٹریشن کر سکیں گے۔

وفاقی وزیر اطلاعات نے کہا کہ  صحافیوں کو صحت کی یہ سہولت پرائم منسٹر ہیلتھ انشورنس اسکیم برائے میڈیا ورکرز اینڈ جرنلسٹس 2023ءکے تحت دی جا رہی ہے جس کے لئے حکومت نے وفاقی بجٹ میں ایک ارب روپے کی خطیر رقم مختص کی ہے۔

مریم اورنگزیب کا کہنا تھا کہ اس اسکیم سے ملک بھر کے صحافی مستفید ہو سکتے ہیں، اس کے لئے پریس کلب کا رکن ہونا لازمی نہیں ہے۔ آن لائن رجسٹریشن فارم کے اجراءکو ممکن بنانے پر وفاقی وزیر اطلاعات نے سیکریٹری اطلاعات سہیل علی خان، پی آئی او مبشر حسن اور وزارت اطلاعات کی ٹیم کو مبارکباد دی