عام انتخابات سے قبل ممبران قومی اسمبلی کےلئے بھاری فنڈز جاری

اراکین قومی اسمبلی کے لئے خصوصی نوازشات جاری ، عام انتخابات سے قبل ممبران قومی اسمبلی کی اسکیموں کےلئے بھاری فنڈز جاری کر دیئے گئے۔ صرف 18 دن کی مہمان اسمبلی کےممبران کی اسکیموں کےلئے 51 ارب روپے جاری کر دیئے گئے۔

دستاویزات کے مطابق موجودہ مالی سال کی 42 دن کی پارلیمنٹ کےلئے 6 ماہ کا بجٹ جاری ہو گا۔ اراکین قومی اسمبلی کی اسکیموں کےلئے سال کا بجٹ 90 ارپ روپے مختص کیا گیا ہے۔ 

پہلی ششماہی میں ترقیاتی اسکیموں میں 61 ارب 26 کروڑ مختص کئے گئے جبکہ 51 ارب روپے پہلے 25 دن میں جاری کئے گئے ہیں۔ اسی طرح پارلیمنٹیرین اسکیموں کےلئے صرف 3 ماہ میں 61ارب 26 کروڑ روپے جاری کرنے کا فیصلہ ہوا تھا اور پورے سال کے لئے مختص 90 ارب روپے میں سے 41 ارب روپے 3 ماہ میں جاری کرنے کی منظوری دی گئی تھی۔

گزشتہ سال رہ جانے والے مزید 20 ارب روپے بھی انتخابات سے قبل جاری کرنے کا فیصلہ کیا گیا تھا، وزارت خزانہ نے اراکین پارلیمنٹ کےلئے فنڈز جاری کرنے کی منظوری دے دی ہے۔