گجرات کی انسداد دہشت گردی عدالت نے رانا ثناء اللہ کو درج مقدمے میں بری کر دیا

وفاقی وزیر داخلہ رانا ثناء اللہ کو گجرات میں درج مقدمے میں بری کر دیا گیا، مدعی مقدمہ انسداد دہشت گردی عدالت گوجرانوالہ میں اپنے بیان سے منحرف ہو گیا۔ رانا ثناء اللہ کےخلاف گجرات میں چیف سیکرٹری اور سرکاری افسران کو دھمکیاں دینے کا مقدمہ درج تھا۔

وزیرِ داخلہ رانا ثناء اللہ انسداد دہشتگردی کی خصوصی عدالت گوجرانوالا میں پیش ہوئے جہاں مدعی کے اپنے بیان پر منحرف ہونے پر عدالت نے سماعت کے بعد رانا ثناء اللہ کو مقدمے سے بری کردیا۔

یشی کے موقع پر سیکیورٹی کے انتہائی سخت انتظامات کئے گئے۔گزشتہ سماعت میں عدالت نے رانا ثناء اللہ کو بذریعہ پولیس طلبی کا نوٹس جاری کیا تھا۔ عدالت نے رانا ثنا اللہ کے ساتھ ان کے ضمانتی رانا سعد کو بھی نوٹس جاری کرتے ہوئے 25 جولائی کو طلب کیا تھا۔

رانا ثناء اللّٰہ کے خلاف مقدمہ انسدادِ دہشت گردی کی دفعات کے تحت 5 اگست 2022ء کو ق لیگ کے مقامی رہنما شاہ کار اسلم کی مدعیت میں درج کیا گیا تھا۔ ایف آئی آر میں چیف سیکریٹری اور ان کے اہلِ خانہ کو جان سے مارنے کی دھمکیاں دینے کا الزام تھا۔

پی ٹی آئی کی اتحادی سابقہ حکومت پنجاب نے 2021 اپریل اور جنوری 2022 میں عدلیہ اور سرکاری افسران کو دھمکیاں دینے کے الزام میں وفاقی وزیر داخلہ رانا ثنا اللہ کے خلاف دہشت گردی کا مقدمہ درج کیا تھا۔