پاکستان تحریک انصاف کے رہنما محمد علی خان کی ضمانت منظور

پاکستان تحریک انصاف کے رہنما علی محمد خان کی ضمانت منظور،مردان کی ڈسٹرکٹ اینڈ سیشن کورٹ نے رہائی کا حکم دے دیا۔علی محمد خان کی طرف سے ایڈووکیٹ ندیم شاہ عدالت میں پیش ہوئے۔

سابق وزیر مملکت و مرکزی رہنماء پی ٹی آئی علی محمد خان کی ضمانت کیلئے درخواست پر مرادن کے ڈسٹرکٹ اینڈ سیشن جج ملا وزیر نے سماعت کی۔

بعدازاں مردان کی ڈسٹرکٹ اینڈ سیشن عدالت نے پی ٹی آئی رہنماء علی محمد خان کی ضمانت منظور کرتے ہوئے ان کی رہائی کا حکم دے دیا۔ عدالت نے محمد علی خان کو 5 لاکھ روپے کے ضمانتی مچلکے جمع کرانے کا حکم دے دیا۔

 واضح رہے کہ اینٹی کرپشن کے مطابق علی محمد خان پر ترقیاتی اسکیم من پسند ٹھیکیداروں کو دینے کا الزام ہے، اس غیر قانونی الاٹمنٹ سے سرکاری خزانے کو 1 کروڑ 78 لاکھ روپے نقصان پہنچا۔

دوسری جانب پشاور ہائی کورٹ نے علی محمد خان کے خلاف مقدمات کی تفصیلات فراہم کرنے کے لیے درخواست میں اینٹی کرپشن، ڈپٹی کمشنر مردان اور نیب سے ریکارڈ طلب کرلیا۔ محمد علی خان  کے وکیل نے کہا کہ انہیں ہر دوسرے مقدمے میں ضمانت کے بعد گرفتار کیا جاتا ہے۔ عدالت نے کیس کی سماعت 4 اگست تک ملتوی کر دی