معاشی ترقی کے لئے ضروری ہے کہ ملک کے دو بڑے خاندان اقتدار سے باہر ہوں،فواد چوہدری

سینئر سیاستدان اور پاکستان تحریک انصاف کے سابق رہنما فواد چوہدری نے کہا ہے کہ پاکستان کی معاشی بہتری کی پہلی شرط یہ ہے کہ ملک کے دو بڑے خاندانوں کا اقتدار سے باہر ہونا ہے

اپنے ٹویٹ میں فواد چوہدری کا کہنا تھا کہ حکومت نے آئی ایم ایف  سے قرض لینے کے بعد ایک طرف بجلی اور گیس کی قیمتوں میں بے انتہا اضافہ کیا اور دوسری طرف نوکر شاہی کیلئے مراعات اور اپنے ممبران اسمبلی کیلئے ترقیاتی فنڈز کا اجراء کیا۔

اس حکومت نے IMF سے قرض لینے کے بعد ایک طرف بجلی اور گیس کی قیمتوں میں بے انتہا اضافہ کیا دوسری طرف نوکر شاہی کیلئے مراعات اور اپنے ممبران اسمبلی کیلئے ترقیاتی فنڈز کا اجراء کیا، کیا یہ معاشی پالیسی ہے جو پاکستان کو معاشی گرداب سے نکالے گی؟ پاکستان میں معاشی ترقی صرف تب ہوئ جب…

— Ch Fawad Hussain (@fawadchaudhry) July 25, 2023

انہوں نے کہا کہ کیا یہ معاشی پالیسی ہے جو پاکستان کو معاشی گرداب سے نکالے گی؟ پاکستان میں معاشی ترقی صرف تب ہوئی جب شریف اور زرداری خاندان حکومت میں نہیں تھا اب چاہے وہ مشرف صاحب کا دور ہو یا تحریک انصاف کی حکومت، پاکستان کی معاشی بہتری کی پہلی شرط دونوں خاندانوں کا اقتدار سے باہر ہونا ہے۔