وفاقی حکومت نے عام انتخابات کےلئے فنڈز جاری کرنے کی حکمت علی طے کر لی

وفاقی حکومت نے عام انتخابات کےلئے فنڈزجاری کرنےکی حکمت عملی طے کر لی۔

ذرائع کے مطابق حکومت نے پہلی سہ ماہی میں تمام فنڈز جاری کرنے کی الیکشن کمیشن کی تجویز ماننے سے انکار کر دیا۔حکومت نے الیکشن کمیشن کو فنڈز ضرورت کے مطابق مرحلہ وارجاری کرنے کا فیصلہ کیا ہے۔

گزشتہ مالی سال کے 10 ارب روپے دوبارہ فراہم کرن کی منظوری دے دی گئی۔ عام انتخابات کےلئے مجموعی طور پر 42 ارب42 کروڑ روپے الیکشن کمیشن کو فراہم کئے جائیں گے اور ضرورت کے مطابق مرحلہ وار فراہم کئے جائیں گے۔

الیکشن کمیشن ضرورت کے مطابق فنڈز کےلئے وزارت خزانہ سے رجوع کرے گا۔ انتخابات کےلئے پہلے مرحلے میں 10 ارب روپے جاری کرنے کی منظوری دی گئی ہے۔