خیبر پختونخوا کے ضلع خیبر میں تھانہ علی مسجد کی حدود میں دھماکہ

خیبر پختونخوا کے ضلع خیبر میں تھانہ علی مسجد کی حدود میں دھماکے کے نتیجے میں ایڈیشنل ایس ایچ او عدنان آفریدی کے شہید ہوگئے، واقع کی اطلاع ملتے ہی پولیس اور امدادی ٹیمیں جائے وقوعہ پر پہنچ گئیں۔

پولیس کا کہنا ہے کہ واقعے کی مزید تحقیقات کی جارہی ہے، ابتدائی اطلاعات کے مطابق دھماکا خود کش تھا۔ دھماکے سے متعدد افراد زخمی ہو گئے جنہیں ہسپتال منتقل کیا جا رہا ہے۔

خود کش حملہ آور نے نو تعمیر شدہ مسجد میں داخل ہونے کی کوشش کی اور جب پولیس نے اس کی تلاشی لینا شروع کی تو اس نے خود کو دھماکے سے اڑا لیا۔

دھماکے کے نتیجے میں متعدد افراد زخمی ہوگئے۔ پولیس اور امدادی کارکنوں نے موقع پر پہنچ کر کارروائی شروع کردی۔