وزیراعظم شہباز شریف آج کراچی کا اہم دورہ کریں گے

اسلام آباد: وزیراعظم محمد شہباز شریف بدھ کو پاکستان مسلم لیگ (ن) کے سینئر رہنماؤں اور وفاقی وزراء کے ہمراہ کراچی کا اہم دورہ کریں گے۔

تفصیلات کے مطابق وزیراعظم شہباز شریف کی پیر صدرالدین راشدی سے ملاقات کا امکان ہے۔ اس کے علاوہ وزیراعلیٰ سندھ مراد علی شاہ، گورنر سندھ کامران ٹیسوری اور متحدہ قومی موومنٹ (ایم کیو ایم) کے رہنماؤں کی بھی ان سے ملاقات کا امکان ہے۔

دورے کے دوران وزیراعظم کراچی کے طلباء میں لیپ ٹاپ تقسیم کرنے کی تقریب سے خطاب کریں گے۔ ان کی کراچی کی تاجر برادری سے بھی ملاقات کا امکان ہے۔