ایل پی جی کی قیمت میں 10 روپے فی کلو اضافہ

لاہور: مائع پیٹرولیم گیس (ایل پی جی) کی قیمت میں 10 روپے فی کلو اضافہ کردیا گیا۔

تفصیلات کے مطابق ایل پی جی کی قیمت 220 روپے فی کلو کی نئی قیمت پر طے پائی ہے، میڈیا رپورٹس میں بتایا گیا ہے کہ پہاڑی اور دور دراز علاقوں میں گھریلو سلنڈر 310 روپے مہنگا ہو گیا ہے۔

چیئرمین ایل پی جی ایسوسی ایشن نے کہا کہ ملک بھر میں ایل پی جی کی بلیک مارکیٹنگ جاری ہے اور سرکاری قیمت پر کہیں بھی گیس دستیاب نہیں ہے۔

دوسری جانب نیشنل الیکٹرک پاور ریگولیٹری اتھارٹی (نیپرا) نے حکومت کی درخواست پر گھریلو صارفین کے لیے بجلی کے نرخوں میں اضافہ کردیا۔

گھریلو صارفین کے لیے بجلی کی فی یونٹ قیمت 42 روپے 72 پیسے تک بڑھ گئی۔ نیپرا کے فیصلے کے مطابق 200 یونٹس تک محفوظ صارفین کے لیے بجلی کی قیمت میں کوئی اضافہ نہیں کیا گیا۔