وزیراعظم شہباز شریف ایک روزہ دورے پر گوادر روانہ

اسلام آباد: وزیراعظم محمد شہباز شریف ایک روزہ دورے پر اسلام آباد سے گوادر روانہ ہوگئے، وزیراعظم گوادر میں متعدد ترقیاتی منصوبوں کا سنگِ بنیاد و افتتاح کریں گے۔

وزیر اعظم آفس کے میڈیا ونگ سے جاری بیان کے مطابق ان منصوبوں میں 102 کلومیٹر بسیمہ۔خضدار روڈ، 55 کلومیٹر آواران۔جھلجاؤ روڈ، نیو گوادر انٹرنیشنل ائیرپورٹ اور132 کے وی کی پنجگور ۔

ناگ۔بسیمہ۔نل ٹرانسمشن لائن سرِ فہرست ہیں۔وزیراعظم محمد شہباز شریف گوادر کے مستحق ماہی گیروں میں امدادی چیک تقسیم کریں گے۔ وزیراعظم گوادر یونیورسٹی کے ہونہار طلبا و طالبات میں لیپ ٹاپ بھی تقسیم کریں گے۔وزیرِ اعظم ان تقاریب سے خطاب بھی کریں گے۔