کراچی میں محرم کے جلوس کی سڑکیں بلاک کر دی گئیں

کراچی: کراچی میں محرم الحرام کے جلوس کے سیکیورٹی انتظامات کے پیش نظر جلوس کی گزرگاہوں کو جانے والی گلیوں اور راستوں کو کنٹینرز لگا کر بند کردیا گیا ہے۔

جلوس کے روٹ پر موجود دکانوں کو بھی باضابطہ طور پر سیل کر دیا گیا ہے جبکہ بم ڈسپوزل سکواڈ جلوس کے روٹ کی تلاشی لے گا۔

جلوس کے نکلنے سے قبل گزرگاہ کو مکمل طور پر بند کر دیا جائے گا اور جلوس کے دوران ٹریفک کے لیے متبادل سڑک فراہم کی جائے گی۔

اس کے علاوہ دفعہ 144 کے تحت ڈرون کیمروں کی کوریج پر پابندی عائد کر دی گئی ہے، گرین بس اور اورنج بس سروس آج (جمعرات) سے عاشورہ تک شہر بھر میں معطل رہے گی۔

دوسری جانب کراچی میں جلوس کی گزرگاہوں پر کنٹینرز لگانے کے باعث ایم اے جناح روڈ، گارڈن، کھارادر اور گردونواح میں تنگ سڑکوں کے باعث ان علاقوں میں شدید ٹریفک جام ہے۔ لوگوں کو دفاتر پہنچنے میں شدید پریشانی کا سامنا ہے۔