بجلی کی تقسیم کار کمپنیوں کو خود مختار بنانے اور حکومت کی سرپرستی میں رکھنے کے حوالہ سے پالیسی سازی کی ضرورت ہے، وزیر توانائی

اسلام آباد: وزیر توانائی انجینئر خرم دستگیر خان نے کہا ہے کہ بجلی چوری، لائن لاسز اور ملک کے بعض حصوں میں بلوں کی وصولی بڑے چیلنجز ہیں، ان مسائل کے حل کے لئے اصلاحات کی ضرورت ہے، بدعنوانی میں ملوث واپڈا اہلکاروں کے خلاف سخت کارروائی کرنا ناگزیر ہے۔

جمعرات کو ایوان بالا کے اجلاس میں وقفہ سوالات کے دوران سینیٹر ثمینہ ممتا زہری، سینیٹر محسن عزیز، سینیٹر کہدہ بابر کے سوالات کے جواب میں وزیر توانائی انجینئر خرم دستگیر نے کہا کہ واپڈا بجلی کی پیداوار، ترسیل اور تقسیم کا کام کرتا تھا لیکن ماضی کی حکومت نے واپڈا کے کام کو تقسیم کیا۔

مختلف کمپنیاں بنائی گئیں ملک کے مختلف حصوں میں بلوں کی وصولی اور لائن لاسز کے چیلنجز درپیش ہیں، ہمیں ان مسائل کے حل کے لئے اصلاحات کی ضرورت ہے، آئندہ منتخب حکومت کو سیاسی عزم کا مظاہرہ کرتے ہوئے بجلی چوری اور بلوں کی وصولی کے لئے سخت کارروائی کرنے کی ضرورت ہوگی۔

کرپشن میں ملوث اہلکاروں کے خلاف سخت کارروائی کرنا ہو گی، واپڈا کے اداروں کو الگ الگ کرنے سے اس کی کارکردگی میں کمی آئی، ہمیں اس حوالے سے کمپنیوں میں توازن قائم کرنا ہو گا، ان کمپنیوں کو خود مختار بنانے اور حکومت کی سرپرستی میں رکھنے کے حوالہ سے پالیسی سازی کی ضرورت ہے، بجلی کی عدم فراہمی سے متعلق سب سے زیادہ شکایات گھریلو صارفین کی ہوتی ہیں، موجودہ حکومت نے بولان جیوانی ٹرانسمیشن لائن کو مختصر مدت میں مکمل کر کے ایران سے منسلک کیا،