انٹربینک میں پاکستانی روپے کے مقابلے امریکی ڈالر کی قدر میں کمی

کراچی: مارکیٹ میں جمعرات کو مسلسل دوسرے روز پاکستانی روپے کے مقابلے امریکی ڈالر کی قدر میں کمی کا رجحان ہے۔

کرنسی ڈیلر کے مطابق کاروباری دن کے آغاز پر انٹربینک میں ڈالر کی قیمت 0.80 روپے کمی سے 286.24 روپے پر بند ہوئی۔

واضح رہے کہ اس سے قبل بدھ (کل) ملک بھر میں تیزی سے بڑھنے والی امریکی ڈالر کی قیمت کو بالآخر بریک لگ گئی۔

اسٹیٹ بینک آف پاکستان (ایس بی پی) کی جانب سے جاری کردہ اعداد و شمار کے مطابق رواں ہفتے کے تیسرے کاروباری دن کے دوران روپے کے مقابلے امریکی ڈالر کی قدر میں 1.48 روپے کی کمی ہوئی۔