پی ٹی آئی رہنما 80 روز بعد مردان سینٹرل جیل سے رہا

میڈیا ذرائع  کے مطابق پشاور ہائی کورٹ نے پی ٹی آئی رہنما علی محمد خان کی رہائی کے احکامات جاری کر دیے وہ جیل سے رہائی کے بعد گاڑی میں بیٹھ کر روانہ ہوگئے۔

ذرائع کا کہنا ہے کہ علی محمد خان کے استقبال کے لیے پی ٹی آئی کارکنوں کی بڑی تعداد جیل کے باہر موجود تھی لیکن علی محمد خان  ان سے ملے بغیر ہی گھر کی جانب روانہ ہوگئے۔

علی محمد خان نے  میڈیا سے بات کرنے سے بھی انکار کردیا میڈیا نمائندگان کی کوشش کے باوجود وہ رکے بغیر روانہ ہوگئے۔ 

یاد رہے  کہ دو روز قبل علی محمد خان کو رہائی کے بعد دوبارہ گرفتار کرلیا گیا تھا، ڈپٹی کمشنر کے حکم پر انہیں تھری ایم پی او کے تحت گرفتار کیا گیا تھا۔

 9 جون کو علی محمد خان کو مردان کی انسداد دہشت گردی کی عدالت سے رہائی کے بعد اینٹی کرپشن کیس میں گرفتار کیا گیا تھا۔

پاکستان تحریک انصاف کے رہنما علی محمد خان کو مردان سنٹرل جیل سے رہاکردیا گیا#GNN #NewsUpdates #BreakingNews #GNN_Updates pic.twitter.com/8ylZHUJroq

— GNN (@gnnhdofficial) July 27, 2023