چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے دورہ آسٹریلیا

چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے دورہ آسٹریلیا کے دوران دفاعی اور سیکیورٹی مذاکرات میں شرکت کی، انھوں نے آسٹریلین عسکری قیادت سے بھی ملاقات کی۔

آئی ایس پی آر کے مطابق جنرل ساحر شمشاد مرزا نے اپنے آسٹریلوی ہم منصب جنرل اینگس جے کیمبل سے بھی ملاقات کی۔ جس میں دونوں افواج کے درمیان فوجی تعاون کو مزید وسعت دینے پر اتفاق کیا گیا۔

جنرل ساحر شمشاد مرزا نے رائل ملٹری کالج کا بھی دورہ کیا اور آسٹریلین ڈیفنس کالج کے شرکاء سے خطاب کیا۔

آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ساحر شمشاد مرزا دورہ آسٹریلیا کے موقع پر 1.5 ٹریک سیکیورٹی ڈائیلاگ میں بھی شریک ہوں گے۔