لیونل میسی کا چھٹیوں میں سعودی عرب کا دورہ کرنے کا مشورہ

فٹبال کے عالمی لیجنڈ اور امریکی کلب انٹر میامی کے سٹار ارجنٹائن کے لیونل میسی نے چھٹیوں کے اوقات میں سعودی عرب کا دورہ کرنے کا مشورہ دے دیا۔ انہوں نے کہا عسیر کے پہاڑوں کا دورہ کرنے کی ضرورت ہے ۔ یہ وہ علاقہ ہے جہاں کا درجہ حرارت 17 سینٹی گریڈ تک پہنچ جاتا ہے۔

لیونل میسی نے انسٹاگرام ایپلی کیشن پر اپنے آفیشل اکاؤنٹ کے ذریعے کہا کہ میرے لیے چھٹیوں کی سب سے اچھی چیز اپنے پیاروں کے ساتھ وقت گزارنا ہے۔ مجھے اپنا ریاض کا دورہ یاد ہے جہاں میں نے مقامی کھیل کھیلے اور گرم جوش سعودی شہریوں کے ساتھ ویڈیوز بنائیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Leo Messi (@leomessi)

ارجنٹائنی سٹار نے مزید کہا کہ اگر آپ اب بھی اپنی چھٹیوں کا منصوبہ بنا رہے ہیں تو سرد عسیر پہاڑوں کی طرف جائیں اور خوشگوار موسم سے لطف اندوز ہوں۔ عسیر میں درجہ حرارت 17 سینٹی گریڈ تک پہنچ جاتا ہے۔

واضح رہے مئی 2022 میں وزیر سیاحت نے اعلان کیا تھا کہ ارجنٹائن کے سٹار لیونل میسی سعودی سیاحت کے ایمبسیڈر بن گئے ہیں