توہین الیکشن کمیشن کیس،چیئرمین پی ٹی آئی 2 اگست کو ذاتی حیثیت میں طلب

چیئرمین پی ٹی آئی کیخلاف توہین الیکشن کمیشن کیس میں 25 جولائی کی سماعت کا تحریری فیصلہ جاری کردیا گیا ہے،چیئرمین پی ٹی آئی پر فرد جرم عائد ہوگی، وہ 2 اگست کو ذاتی حثیت میں حاضر ہوں۔

 چیئرمین پی ٹی آئی پر 2 اگست کو چارج فریم کیا جائے گا۔ چییرمین پی ٹی آئی اگلی سماعت پر پیش ہوں.

الیکشن کمیشن کے آرڈر میں کہا گیا ہے کہ چئیرمین پی ٹی آئی ذاتی حیثیت میں کمیشن کے سامنے پیش ہوئے، تاہم ان کے وکیل نے استدعا کی کہ ان کے پاس کیس کا ریکارڈ نہیں۔

آرڈر کے مطابق چیئرمین پی ٹی آئی کے وکیل نے ریکارڈ حاصل کرکے کیس تیار کرنے کی استدعا کی، جسے الیکشن کمیشن نے منظور کیا، اور الیکشن کمیشن نے کہا کہ وکیل لاء ونگ سے دستاویزات حاصل کر لیں۔

فیصلے میں کہا گیا ہے کہ چیئرمین پی ٹی آئی الیکشن کمیشن میں پیش ہوئے، لہذا اس وقت کے لئے ان کے وارنٹ گرفتاری معطل کیے جاتے ہیں۔