اندھڑ گینگ کا سرغنہ جانو اندھڑ 4ساتھیوں سمیت جہنم واصل

ڈی پی او رحیم یارخان رضوان گوندل کے مطابق خفیہ اطلاع پر پولیس ٹیم نے کچہ کشمور میں کامیاب کارروائی کرکے ڈاکوؤں کے سرغنہ جانو انڈھڑ سمیت 6 ملزمان کو ہلاک اور 2 کو زخمی کردیا گیا ۔

سندھ حکومت کی طرف سے جانواندھڑ کے سر کی قیمت 2کروڑ روپے جبکہ پنجاب پولیس کی جانب سے اندھڑ جانو کے سر کی قیمت 1 کروڑ مقرر کی گئی تھی۔

رحیم یارخان پولیس کی کامیاب کاروائی میں بین الصوبائی ڈکیت گینگ جانو اندھڑ اپنے 4 ساتھیوں سمیت جہنم واصل ہوگیا جبکہ دو ساتھی زخمی حالت میں پولیس نے گرفتار کر لیے۔

پولیس کا کہنا ہے کہ  آپریشن میں جدیداسلحہ اور بکتر بند گاڑیوں سے بھی مدد لی گئی تھی۔

رحیم یار خان پولیس کا کہنا ہےکہ ملزمان ماہی چوک کے علاقے میں 2 سال قبل قتل کیے گئے ایک ہی خاندان کے 9 افراد کے مقدمات میں مطلوب تھے جن کے زندہ اور مردہ گرفتاری پر سندھ اور پنجاب پولیس کی جانب سے انعام مقرر کیا گیا تھا۔

رحیم یار خان پولیس کی کشمور میں کچے کے علاقے میں انٹیلی جنس بیسڈ تارگٹڈ کارروائی#GNN #GNN_Updates #Newsupdates #Breakingnews pic.twitter.com/vyc9PZDWhX

— GNN (@gnnhdofficial) July 28, 2023