پولیس ملازمہ پر تشدد کرنے والی سول جج کی اہلیہ کو گرفتار کرنے میں اب تک ناکام

 اسلام آباد  پولیس کے مطابق تشدد کا نشانہ بننے والی  بچی رضوانہ  اور اس کے والد کا بیان قلمبند کیا گیاہے۔ بچی پر بیہمانہ تشدد کرنے والی ملزمہ جج کی اہلیہ نے  یکم اگست تک  عدالت سے ضمانت حاصل کر رکھی ہے۔

ترجمان پولیس نے بیان میں کہا کہ چائلڈ لیبر قانوناً جرم ہے، ایسے کسی بھی واقعہ کا کسی کو علم ہو تو پکار 15 پر پولیس کو اطلاع دیں اور اس گھناؤنے جرم میں ملوث افراد کو پکڑنے میں ہماری مدد کریں 

 سوشل میڈیا پر بچی کے انتقال کی جھوٹی خبریں بھی پھیلائیں جارہی ہیں جو کہ کافی حد تک  وائرل ہورہی ہیں جن کی اہل خانہ اور ڈاکٹرز نے تردید کی ہے۔

اسلام آباد پولیس کا کہنا ہے کہ مصدقہ میڈیکل رپورٹ تاحال ہمیں موصول نہیں ہوئی جبکہ رپورٹ پنجاب حکومت کو موصول ہونے کی خبریں ہم تک ضرور پہنچی ہیں ۔ اس گھناؤنے جرم میں ملوث  تمام افراد کی جانچ پڑتال کی جارہی ہے جو بھی اس جرم میں ملوث ہوگا اس کو قانون کے سامنے ضرور کھڑا کریں گے اور تمام کارروائی قانون کے مطابق عمل میں لائیں گے۔