چیئرمین پاکستان تحریک انصاف کی زیر صدارت کور کمیٹی کا اہم اجلاس

 پی ٹی آئی نے آرمی ایکٹ کی منظوری کے حوالے سے سینیٹ میں اپنے اراکین کے کردار کی تحقیقات کا فیصلہ کیا ہے۔

پاکستان تحریک انصاف کی کورکمیٹی کا اجلاس  پارٹی چیئرمین کی صدارت میں ہوا،  جس میں ملک کی  مجموعی سیاسی صورتحال، آئندہ انتخابات کی جماعتی سطح پر تیاریوں اور سیاسی حکمت عملی سمیت اہم امور پر تفصیلی تبادلہ خیال  کیا گیا۔

پاکستان تحریک انصاف کی کورکمیٹی کا اہم ترین اجلاس

چیئرمین تحریکِ انصاف عمران خان نے اجلاس کی صدارت کی،

ملکی مجموعی سیاسی صورتحال، آئندہ انتخابات کی جماعتی سطح پر تیاریوں اور سیاسی حکمت عملی سمیت اہم امور پر تفصیلی تبادلہ خیال،

ایوان بالا میں آرمی ایکٹ کی منظوری کے عمل میں…

— PTI Islamabad (@PTIOfficialISB) July 29, 2023

اجلاس میں ایوان بالا میں آرمی ایکٹ کی منظوری کے عمل میں تحریک انصاف کے اراکین کے کردار کا بھرپور جائزہ لیا گیا۔ اس موقع پر چئیرمین تحریک انصاف کی جانب سے آرمی ایکٹ میں ترامیم کی منظوری کے حوالے سے تحریک انصاف کے اراکین کے کردار کی باضابطہ تحقیقات کی منظوری  دے دی گئی۔

پی ٹی آئی مرکزی آفیشل ٹویٹر اکاؤنٹ  کی جانب سے جاری بیان کے مطابق  سینیٹر شبلی فراز پر مشتمل ایک رکنی کمیشن معاملے کی جامع تحقیقات کرے گا ۔ سینیٹر شبلی فراز پر مشتمل یک رکنی کمیشن بلاتاخیر تحقیقات مکمل کر کے چیئرمین تحریک انصاف کو پیش کرے گا، جس کے بعد کمیشن کی سفارشات کی روشنی میں پارٹی پالیسی سے انحراف کے مرتکب افراد کے خلاف تادیبی کارروائی کو آگے بڑھایا جائے گا