مولانا فضل الرحمان نے وزیراعظم شہباز شریف سے باجوڑ دھماکے کی انکوائری کا مطالبہ کردیا

مولانا فضل الرحمان نے وزیراعظم شہباز شریف اور وزیراعلیٰ کے پی کےاعظم خان  سے جے یو آئی کے جلسے میں ہونے والے باجوڑ دھماکےکی صاف اور شفاف تحقیقات کا مطالبہ کردیا۔

جمعیت علما اسلام کے سربراہ مولانا فضل الرحمان نے باجوڑ میں جے یوآئی کے ورکرز کنونشن کے دوران  ہونے والے دھماکے پر شدید دکھ اور افسوس کا اظہارکیا۔

مولانا فضل الرحمان نے زخمیوں کی جلد صحت یابی کیلئے بھی دعا کی۔ انہوں نے ہدایت کی کہ کارکنان ہسپتال پہنچ کر زخمیوں کے لئے خون کے عطیات دیں۔ مولانا فضل الرحمان نے کہا کہ جے یوآئی کے کارکنان پر امن رہیں اور وفاقی و صوبائی حکومت زخمیوں کو بہترین علاج فراہم کرے۔