وزیراعلیٰ سندھ کا کچے کے علاقے کو ڈاکوؤں سے پاک کرنے کا عزم

وزیراعلیٰ سندھ  مراد علی شاہ نے کچے کے علاقے کو ڈاکوؤں سے پاک کرنے کا عزم کرلیا  کہا کہ جتنی بھی چیک پوسٹس کچی ہیں ان کو پکا اور مضبوط بنایا جائے ، انھوں نے پولیس کو جدید اسلحہ دینے کی بھی ہدایت کی۔

وزیراعلی نے کچے میں تعینات پولیس اہلکاروں کو الاؤنس دینے کا بھی اعلان کیا۔آئی جی سندھ نے اعتماد میں لیتے ہوئے کہا کہ انشااللہ بہت جلد کچے کے علاقے سے ڈاکوؤں کا صفایا کردیا جائے گا،وزیراعلی نے سیلاب کی صورتحال کا جائزہ لینے کے لیے حفاظتی بندوں کا جائزہ بھی لیا۔

آئی جی پولیس سندھ  نے وزیراعلیٰ سندھ  کو یہ بھی بتایا کہ اب تک پانچ ہزار چار سو ایکڑکے قریب علاقہ کچے کے ڈاکوؤں سے کلیئر کروایا گیا ہے جبکہ مزید آپریشنز جاری ہیں ، 70 مغوی بازیاب کروائے گئے ہیں اور 52 ڈاکو بھی واصل جہنم کیے گئےہیں جبکہ ڈاکوؤں کے 85 سہولت کاروں کو بھی گرفتار کیا گیا ہے۔

وزیراعلیٰ سندھ کا کچے کے علاقے کو ڈاکوؤں سے پاک کرنے کا عزم #GNN #News_updates #Breakingnews pic.twitter.com/AeF43AnMbi

— GNN (@gnnhdofficial) July 30, 2023