افغان طالبان کی باجوڑ دھماکے کی پرزور مذمت

افغان طالبان حکومت کے مرکزی ترجمان ذبیح اللہ مجاہد نے اپنے بیان میں کہاکہ امارت اسلامیہ خیبرپختونخوا کے علاقے باجوڑ میں جمعیت علمائے اسلام کے پروگرام میں ہونے والے دھماکے کی پرزور مذمت کرتی ہے۔

سماجی رابطے  کی ویب سائٹ ٹوئٹر پر بھی ذبیح اللہ مجاہد نے دھماکے سے متاثرہ خاندانوں سے دلی تعزیت کا اظہار کیا ہے،انہوں نے شہدا کے ایصال ثواب کے لیے دعا کی اور زخمیوں کی جلد صحت یابی کی دعا بھی کی۔

امارت اسلامیہ افغانستان خیبرپختونخوا کے علاقے باجوڑ ایجنسی میں جمعیت علمائے اسلام کے ایک پروگرام میں ہونے والے دھماکے کی مذمت کرتی ہے۔
امارت اسلامیہ متاثرہ خاندانوں کے ساتھ اپنی گہری تعزیت کا اظہار کرتی ہے اور شہداء کے لیے جنت الفردوس اور زخمیوں کی جلد صحت یابی کی دعاگو ہے۔
۲/۱

— Zabihullah (..ذبـــــیح الله م ) (@Zabehulah_M33) July 30, 2023