پاکستان اور افغانستان کے درمیان ون ڈے سیریز کا شیڈول جاری

پاکستان اور افغانستان کے درمیان تین ون ڈے انٹرنیشنل میچوں کی سیریز 22 سے 26 اگست تک سری لنکا میں کھیلی جائے گی، افغانستان کرکٹ بورڈ نے اس سیریز کی تصدیق کردی ہے،یہ سیریز فیوچر ٹور پروگرام کا حصہ ہے۔ 

کولمبو 26 اگست کو تیسرے اور آخری ون ڈے انٹرنیشنل کی میزبانی کرے گا۔ پاکستانی ٹیم 17  اگست کو سری لنکا پہنچے گی اور 19 سے 21 اگست تک ہمبنٹوٹا میں ٹریننگ کرے گی۔

27اگست کو پاکستانی ٹیم پاکستان واپس پہنچے گی۔

تفصیلات کے مطابق پاکستان اور افغانستان کے درمیان پہلا ون ڈے انٹرنیشنل 22 اگست کو ہمبنٹوٹا میں کھیلا جائے گا،دوسرا ون ڈے بھی 24 اگست کو ہمبنٹوٹا میں ہوگا ،کولمبو 26 اگست کو تیسرے اور آخری ون ڈے انٹرنیشنل کی میزبانی کرے گا۔