پاکستانی ٹیم ایشین ہاکی چیمپئنز ٹرافی کے لیے آج بھارت روانہ ہو گی

لاہور: پاکستان کی ہاکی ٹیم ایشین چیمپئنز ٹرافی میں شرکت کے لیے بھارت روانہ ہونے کے لیے لاہور کے نیشنل ہاکی اسٹیڈیم پہنچ گئی۔

ایشین ہاکی چیمپئنز ٹرافی کھیلنے کے لیے قومی ٹیم آج بھارت روانہ ہوگی۔ پاکستانی ٹیم کے کھلاڑی اپنا پہلا میچ 03 اگست کو ملائیشیا کے خلاف کھیلیں گے جبکہ قومی ٹیم کا بھارت کے خلاف میچ 09 اگست کو شیڈول ہے۔

قومی ہاکی ٹیم کے کپتان عمر بھٹہ نے کہا کہ پوری طرح تیار ہیں، رینکنگ بہتر کرنے کی کوشش کریں گے۔

انہوں نے مزید کہا: "ہم بھارت کے خلاف میچ میں اچھا کھیلیں گے اور ایشین گیمز میں شرکت کے لیے اچھی کارکردگی دکھائیں گے"۔