ایویلیوشن ایپ حکومت کے تمام منصوبوں کو مانیٹر کرے گی، فیصلہ سازی میں بھی مدد ملے گی ، احسن اقبال

اسلام آباد: وفاقی وزیر منصوبہ بندی، ترقی، اصلاحات و خصوصی اقدامات پروفیسر احسن اقبال نے کہا ہے کہ ایویلیوشن ایپ حکومت کے تمام منصوبوں کو مانیٹر کرے گی، یہ ایپ شفافیت کے لئے ایک ڈیش بورڈ کے ذریعے ہم تمام پراجیکٹ کو مانیٹر کر سکتے ہیں۔

ان خیالات کا اظہارانہوں نے مانیٹرنگ اور ایویلیوشن ایپ کی افتتاحی تقریب سے خطاب کرتےہوئے کیا۔ وفاقی وزیر نے کہا کہ یہ ایپ ماننٹر ایویلیوشن سے فیصلہ سازی میں بھی مدد ملے گی جبکہ تمام منصوبوں میں یہ ہمارے لئے ایک گائیڈ ہو گی۔

ہمارے پاس قرضے ادا کرنے کے لئے بھی وسائل نہیں ہیں جبکہ ہمارا ڈویلپمنٹ بجٹ ادھار پر چل رہا ہے۔ ان تمام مسائل کے ساتھ ایسی ایپ کم بجٹ پر پراجیکٹ مکمل کریں گی۔ اس مقصد کے لئے یہ ایپ بہترین ہے۔ انہوں نے کہا کہ ہماری وزارتوں میں ’کے پی آئی ‘درست بنانے کی صلاحیت نہیں ہے۔ ایسی ایپ مختلف وزارتیں بھی فائدہ اٹھائیں گے ۔