ٹرانسپورٹرز کا کرایوں میں خود ساختہ اضافہ

لاہور: گزشتہ روز وفاقی وزیر خزانہ اسحاق ڈار کی جانب سے پٹرولیم مصنوعات کی قیمتوں میں اضافہ کئے جانے پر ٹرانسپورٹرز نے کرایوں میں خودساختہ اضافہ کردیا ہے۔

شہریوں کا کہنا ہے کہ پٹرولیم مصنوعات کی قیمتوں میں اضافہ ہوتا ہے تو ٹرانسپورٹ مالکان بھی کرایوں میں اضافہ کردیتے ہیں، سرگودھا کی 900 روپے کی ٹکٹ 100 روپے کے اضافے کے بعد 1000 روپے کی ہوگئی، اس طرح دوسرے شہروں فیصل آباد، راولپنڈٰی اور گجرانوالہ کے کرایوں میں بھی 100 اور 50 روپے کا اضافہ کیا گیا ہے۔

لاہور شہر میں بہت سے لوگ دوسرے شہروں سے روزگار کےحصول کے لیے آتے ہیں لیکن جب اپنے گھر جانے کا وقت آئے تو پٹرولیم منصوعات کی قیمت زیادہ ہونے سے کرایوں میں بھی اضافہ کردیا جاتا ہے جس پرعوام نے حکومت سے اپیل کرتے ہوئے کہا ہے کہ پٹرولیم مصںوعات کی قیمتوں میں کمی کی جائے۔

اسی طرح گجرانوالہ میں بھی گزشتہ روز پٹرولیم مصنوعات کی قیمتوں میں اضافے سے کرایوں میں بھی اضافہ ہوا ہے۔