اینڈی مرے سٹی اوپن ٹینس مینز سنگلز میں برینڈن نکاشیما کو ہرا کر ٹاپ 16 رائونڈ میں پہنچ گئے

واشنگٹن: برطانوی نامور ٹینس سٹار اور سابق عالمی نمبر ایک اینڈی مرے سٹی اوپن ٹینس ٹورنامنٹ میں مردوں کے سنگلز مقابلوں کے پری کوارٹر فائنل میں پہنچ گئے ۔

36 سالہ برطانوی ٹینس سٹار اینڈی مرے نے مردوں کے سنگلز مقابلوں کے دوسرے رائونڈ میں حریف امریکی کھلاڑی برینڈن نکاشیما کو شکست دی۔

سٹی اوپن ٹینس ٹورنامنٹ کا 54واں ایڈیشن امریکا میں جاری ہے جس میں شائقین ٹینس کو دلچسپ اور کانٹے دار مقابلے دیکھنے کو مل رہے ہیں۔

انگلینڈ کے اینڈی مرے نے مینز سنگلز مقابلوں کے دوسرے رائونڈ میں شاندار کارکردگی کا مظاہرہ کرتے ہوئے میزبان حریف کھلاڑی برینڈن نکاشیما کو ٹائی بریک پر سٹریٹ سیٹس میں 6-7(5-7) اور 4-6سے ہرا کر پری کوارٹر فائنل کے لئے کوالیفائی کرلیا، جہاں ان کا مقابلہ امریکی ٹینس کھلاڑی ٹیلر فریٹز سے ہوگا۔