گلوبل ٹی 20، پاکستانی وکٹ کیپر بلے باز محمد رضوان نے اپنی ٹیم کو فتح دلا دی

پاکستان کرکٹ ٹیم کے مایہ ناز وکٹ کیپر بلے باز محمد رضوان نے گلوبل ٹی 20 کینیڈا میں شانداربیٹنگ کے تسلسل برقرار رکھتے ہوئے اپنی ٹیم کو مونٹریال ٹائیگرز کے خلاف 9 وکٹوں سے فتح دلا دی۔

سی اے اے سینٹر، برامپٹن، اونٹاریو میں کھیلے گئے گلوبل ٹی ٹونٹی کے اہم میچ میں مونٹریال ٹائیگرز  پہلے بیٹنگ کرتے ہوئے 18.3 اوورز میں 99 رنز بناکر آئوٹ ہوگئی ۔

مونٹریال ٹائیگرز کی ٹیم وینکوور نائٹس کے تباہ کن بائولنگ اٹیک کے سامنے بالکل بے بس نظر آئی ۔ پہلے اوور میں کرس لین بغیر کوئی رن بنائے آؤٹ ہوئے جس کے بعد دلپریت سنگھ ، شیرفین ردرفورڈ اور سریمانتھا وجے رتنے بھی جلد پویلین لوٹ گئے۔ پاور پلے کے اختتام پر مونٹریال ٹائیگرز کا سکور 4 وکٹوں کے نقصان پر 29 رنز تھا۔

اس موقع پر اوپنر محمد وسیم اچھی اننگز کھیلتے ہوئے 4 چوکوں کی مدد سے 24 رنز سکور کئے وہ 10 ویں اوور میں آؤٹ ہوگئے۔وینکوورنائٹس کے روبن ٹرمپل مین اور جنید صدیقی نے تین، تین وکٹیں حاصل کیں ۔ 100 رنز مطلوبہ ہدف کے تعاقب میں پاکستانی وکٹ کیپر بیٹسمین محمد رضوان نے شاندار نصف سنچری سکور کرتے اپنی ٹیم کو فتح دلادی۔

وینکوور نائٹس کے فخر زمان صرف 4 رنز بناسکے تاہم ان کے بعد محمد رضوان نے بہترین اننگز کھیلتے ہوئے 68 رنز بنائے اور ان کا ساتھ کوربن بوش نے 28 رنز بناکر دیا اور یوں وینکور نائٹس نے ایک وکٹوں کے نقصان پر اسکور 103 تک پہنچا کر میچ اپنے نام کرلیا۔یہ گلوبل ٹی ٹونٹی لیگ میں وینکوورنائٹس کی چوتھی فتح ہے۔