سندھ حکومت نے جاتے جاتے سرکاری ملازمتوں کے دروازے کھول دیئے

سندھ سرکار کا ایک اور کارنامہ، جاتے جاتے سرکاری ملازمتوں کےدروانے کھول دیئے۔ سندھ حکومت نے سرکاری اداروں میں خالی اسامیوں کےلئے اشتہار جاری کر دیئے۔

تفصیلات کے مطابق حکومت نے سندھ اسمبلی، محکمہ تعلیم، صحت، بلدیات، معدنیات، ایکسائز سمیت دیگر اداروں میں بھرتیوں کےلئے اشتہارات جاری کر دیئے۔ ذرائع کے مطابق کچھ محکموں نے تھرڈ پارٹی کو تحریری امتحان اور انٹرویوز کے اختیارات بھی دے دیئے۔

رواں مالی سال کے بجٹ میں نوجوانوں کےلئے 25 ہزار سے زائد اسامیاں رکھی گئی تھیں۔سیاسی فائدہ حاصل کرنے کےلئے حکومت سندھ نے سرکاری اداروں میں خالی اسامیوں کےلئے دھرادھر اشتہارات دینا شروع کر دیئے ہیں۔

کئی محکموں نے تو نہ ہی تحریری امتحان لئے اور نہ ہی انٹرویوز کروائے، صرف اپنے من پسند لوگوں کو بھرتی کیا جا رہا ہے۔ اب دیکھنا یہ ہے کہ جن لوگوں کو موجودہ حکومت تقرر نامے تھما کر جائے گی ان کا مستقبل کیا ہو گا،آنے والی حکومت ان کو قبول کرے گی کہ نہیں۔