سابق پی ٹی آئی رہنما کا معافی نامہ مسترد ،شوکازنوٹس جاری

چیف الیکشن کمشنر سکندر سلطان راجہ کی صدارت  میں 5 رکنی کمیشن بینچ  نے فواد چوہدری کے معافی نامہ  کے تحریری درخواست پر فیصلہ جاری کرتے ہوئے سابق وفاقی وزیر کو شوکاز نوٹس  جاری کر دیا جس کا جواب 15 اگست تک جمع کرانے کا حکم دیا ہے۔

چیف الیکشن کمشنر اور اراکین کو دھمکیوں اور  ہتک آمیز الفاظ استعمال کرنے پر فواد چوہد ری نے مشروط معافی مانگی تھی ۔ جس پر کمیشن نے چند سطریں حذف کرنے کا کہا تو وکیل فیصل چوہدری نے انکار کردیا تھا۔ کمیشن کا کہنا ہے کہ فواد چوہدری کو کوئی تاسف بھی نہیں۔ 

 الیکشن کمیشن نے پی ٹی آئی  کے سابق رہنما فواد چوہدری کا معافی نامہ مسترد کردیا ہے۔ 

فیصلے میں کہا گیا کہ فواد چوہدری کے ملکی ادارے کے خلاف ریمارکس انتہائی سنگین نوعیت کے ہیں اس لیےتحریری معافی نامہ جمع کرانے سے معاملہ حل نہیں کیا جا سکتا۔

توہین الیکشن کمیشن کیس میں فواد چودھری کا معافی نامہ مسترد#GNN #GNN_updates #BreakingNews #NewsUpdates pic.twitter.com/mfw1CfBtwI

— GNN (@gnnhdofficial) August 3, 2023