پاکستان اور ایران کا 5 ارب ڈالر کا 5 سالہ تجارتی منصوبہ ،ایران کے ساتھ مضبوط تعلق چاہتے ہیں ،وزیرخارجہ

اسلام آباد میں ایرانی ہم منصب کے ساتھ پریس کانفرنس کرتے ہوئے وزیر خارجہ بلاول بھٹو زرداری نے کہاکہ ایران اور پاکستان کے درمیان تاریخی تزویراتی تعلقات ہیں۔

گزشتہ 15مہینوں میں ہماری حکومت نے معیشت کی بہتری کیلئے دن رات کام کیا، ایرانی ہم منصب کے ساتھ مختلف معاملات پر سیر حاصل گفتگو ہوئی، جون کے مہینے میں پاکستان کی طرف سے  ایران کا پہلا دورہ کیا گیا ، پاکستان کا خطے میں اہم مقام ہے ،اکنامک تعاون تنظیم کا دائرہ کار وسیع کرنا چاہئے،وزیر خارجہ نے کہاکہ  مقبوضہ کشمیر میں انسانی حقوق کی سنگین خلاف ورزیاں جاری ہیں، اسلامو فوبیا کے خاتمے کے لیے  سب کو مل کر کام کرنا ہوگا۔

وزیرخارجہ بلاول بھٹو نے کہا کہ گوادر میں بجلی کی فراہمی کے لیے ایران نے بہترین کردار ادا کیا۔

وزیر خارجہ نے کہا کہ ایران کے ساتھ ہمارے برادرانہ اور تاریخی تعلقات ہیں، تجارت، زراعت اور توانائی سمیت دیگر شعبوں میں مزید تعاون سے متعلق تجاویز بھی زیر غور ہیں، ہم نے 2023 سے 2028 تک کے لیے باہمی تجارتی معاہدے کو حتمی شکل دی ہے، معاہدے سے باہمی تجارت 5 ارب ڈالرز تک بڑھے گی۔

ایران پاکستان گیس لائن دونوں ممالک کے وسیع تر مفاد میں ہے ۔

?Live: Joint Press Stakeout by Foreign Minister of Pakistan and Foreign Minister of Iran https://t.co/ALQEOgRUNn

— Spokesperson ?? MoFA (@ForeignOfficePk) August 3, 2023