اسمبلیاں کب تحلیل کریں گے،وزیراعظم نے تاریخ دے دی

اس موقع پر وزیر اعظم پاکستان شہباز شریف نے 9 اگست کو اسمبلیاں تحلیل کرنے کی تاریخ دے دی ۔ شہباز شریف نے  کہا کہ نگراں سیٹ اپ کیلیے تمام جماعتوں سے مشاورت کروں گا اور اپوزش لیڈر اور  خود دونوں ملکر نگراں وزیر اعظم کا فیصلہ کریں گے۔

شہباز شریف نے خطاب کرتے ہوئے  کہا کہ مشکل ترین وقت میں ہم نے  حکومت سنبھالی تھی جب ہر طرف خطرات تھے اور ملک ڈیفالٹ ہونے کے قریب تھا، 15 ماہ میں تمام تنقید کے باوجود ریاست کو بچایا، ہمارا ضمیر مطمئن ہے کہ ہم نے سیاست کی قربانی دے کر ملک کو اس دلدل سے نکالا۔

شہباز شریف نے مزید کہا کہ پی ٹی آئی کی حکومت نے جو کانٹےہمارے لیے  بوئے تھے وہ ہمیں ہٹانا پڑے کافی ٹا ئم لگا ان معاملات کو سلجھانے میں لیکن  اس شخص کی ضد نے ہر ادارے اورہر  شعبے کو  تباہ کر دیا  لیکن اتحادی حکومت کے تعاون سے ہر مشکل پر قابو پایا۔

ان کا کہنا تھا کہ آئی ایم ایف سے معاہدہ آسان نہیں تھا  یہ ایک بہت برا چیلنج تھا یہ ایک  پل صراط تھی جسے  عبور کیا، آئندہ چند روز میں ہماری حکومت ختم ہو جائے گی، کوشش ہے کہ سب کیلیے قابلِ قبول نگراں سیٹ اپ تشکیل دیا جائے۔