ملک میں یوریا اور ڈی اے پی کی کھپت میں سالانہ بنیادوں پر نمایاں اضافہ

ملک میں یوریا اور ڈی اے پی کی کھپت میں جاری مالی سال کے پہلے مہینے میں سالانہ بنیادوں پر نمایاں اضافہ ریکارڈ کیا گیا ہے۔انڈسٹری کے اعدادوشمار کے مطابق جولائی میں ملک میں 6 لاکھ 29 ہزار ٹن یوریا کی کھپت ریکارڈ کی گئی جو گزشتہ سال جولائی کے مقابلے میں 36فیصد اور رواں سال جون کے مقابلے میں 3فیصد زیادہ ہے۔

گزشتہ سال جولائی میں ملک میں4 لاکھ 63 ہزار  ٹن اور رواں سال جون میں6 لاکھ 10 ہزار ٹن یوریا کی کھپت ریکارڈ کی گئی تھی۔ اعدادوشمارکےمطابق جولائی میں ملک میں 113000ٹن ڈی اے پی کی کھپت ہوئی جو گزشتہ سال جولائی کے مقابلے میں 69فیصد زیادہ اور جون کے مقابلے میں 28فیصد کم ہے۔

گزشتہ سال جولائی میں ملک میں 67 ہزار ٹن اور رواں سال جون میں ایک لاکھ 58 ہزار ٹن یوریا کی کھپت ریکارڈ یک گئی تھی۔رواںسال جولائی میں 2000 ٹن ڈی اے پی کی درآمدات ریکارڈ کی گئیں جو گزشتہ سال جولائی کے مقابلے میں 45فیصد کم ہیں۔ گزشتہ سال جولائی میں 4ہزار ٹن ڈ ی اے پی کی درآمدات ریکارڈ کی گئی تھیں