وفاقی پولیس کی جانب سے چیئرمین پی ٹی آئی کی طلبی کا نوٹیفکیشن جاری

نیب نے چیئر مین پی ٹی آئی کو نیشنل کرائم ایجنسی 190 ملین پاؤنڈ اسکینڈل میں دوباہ  طلب کرلیا۔

نیب کی جانب سے بھیجے گئے نوٹس میں 4 آگست صبح ساڑھے 11 بجے نیب راولپنڈی دفتر پیش ہونے کا کہا گیا ہے۔

نوٹس میں چیئرمین پی ٹی آئی کو کیس کے  متعلق تمام دستاویزات ہمراہ لانے کا بھی کہا گیا ہے ۔ یہ سابق پرنسپل سیکرٹری اعظم خان کے بطورگواہ بیان قلمبند کرانے کے بعد چئیرمین پی ٹی آئی کی پہلی پیشی ہوگی۔

نیب نے اس سے قبل 13 جولائی کو چیئرمین پی ٹی آئی کو ذاتی حیثیت میں طلب کیا تھاجس میں وہ پیش نہیں ہوئے۔

دوسری جانب وفاقی پولیس کی جانب سے بھی چئیرمین پی ٹی آئی  کو 4 مختلف مقدمات میں ایک بار پھر طلبی کے نوٹسز جاری کیے گئے ہیں، عمران خان کو تھانہ کوہسار تھانہ ترنول اور تھا نہ کراچی کمپنی میں درج مقدمات پر طلب کیا گیا ہے،پولیس حکام کا کہنا ہے کہ اگر چیئر مین پی ٹی آئی اگر پیش نہ ہوئے تو قانون کے مطابق کاروائی عمل میں لائی جائے گی۔

چیئرمین پی ٹی آئی کو ایک بار پھر اسلام آباد پولیس کی جانب سے طلبی کا نوٹس جاری کر دیا گیا#GNN #GNN_updates #BreakingNews pic.twitter.com/Y8dKmG28Qq

— GNN (@gnnhdofficial) August 4, 2023