قانون ہاتھ میں لینے والوں سے سختی سے نمٹا جائے گا ،شرجیل میمن

پاکستان پیپلز پارٹی کے رہنما شرجیل میمن نے چیئرمین پی ٹی آئی کی گرفتاری پر بات کرتے ہوئے کہا  کہ لوگ پرامن رہیں، اگر قانون کو ہاتھ میں لیا تو سختی سے نمٹا جائے گا۔

پی پی رہنما شرجیل میمن نے کہا کہ پیپلزپارٹی کسی بھی سیاسی پارٹی کے رہنما کی گرفتاری پر خوش نہیں ہوتی ۔

رہنما پیپلز پارٹی نے مزید کہا کہ پولیس پر پٹرول بموں سےحملے کس نے کروائے تھے ، مریم نواز، شہباز شریف، نوازشریف، فریال تالپور، آصف زرداری سب ہی گرفتار ہوئےتھے ،چیئرمین پی ٹی آئی گرفتاری سے کیوں گھبراتے ہیں ، کسی کی گرفتاری پربھی  پٹرول بم نہیں پھینکے گئے تھے، ہمارا قانون کیوں اسے ریلیف  دے رہا تھا، چند لوگوں کا یہ شخص آج بھی لاڈلہ بنا ہوا ہے۔

شرجیل میمن نے کہا پیپلز پارٹی چاہتی ہے  کہ پیپلز پارٹی کی طرح ہر شخص قانون کے سامنے پیش ہوتا رہے۔