چیئرمین پی ٹی آئی عمران خان کو سزا سنانے والے جج ہمایوں دلاور برطانیہ روانہ

چیئرمین پاکستان تحریک انصاف عمران خان کو سزا سنانے والے جج ہمایوں دلاور برطانیہ چلے گئے ہیں۔ ایڈیشنل سیشن جج ہمایوں دلاور جوڈیشل ٹریننگ کے لیے انگلینڈ روانہ ہو گئے ہیں۔

چیف جسٹس اسلام آباد ہائی کورٹ نے جج ہمایوں دلاور کی جوڈیشل ٹریننگ کے لیے نامزدگی کی ہے جو 13 اگست تک لندن میں ٹریننگ میں شریک ہوں گے۔ 14ویں عدالتی ٹریننگ یونیورسٹی آف ہَل میں 5 اگست سے 13 اگست تک ہوگی، ٹریننگ کا تمام خرچہ کامن ویلتھ سیکرٹریٹ لندن کی جانب سے اٹھایا جارہا ہے۔

پی ٹی آئی کے سیکریٹری جنرل عمر ایوب خان نے جج ہمایوں دلاور کی لندن میں “ قانون کی حکمرانی“ کے موضوع پر ٹریننگ میں شرکت پر تنقید کرتے ہوئے اپنے ٹویٹ میں لکھا کہ یہ  صدی کا لطیفہ ہے کہ جج ہمایوں دلاور ایڈیشنل اینڈ سیشن جج (جنہوں نے کل عمران خان کو توشہ خانہ کیس میں سزا سنائی) کو انعام کے طور پر جج سید فیضان حیدر کی جگہ انسانی حقوق اور قانون کی حکمرانی کی ٹریننگ کے لیے برطانیہ بھیجا جا رہا ہے۔

Joke of the Century!! Judge Humayun Dilawar Additional & Session Judge (who convicted Imran Khan yesterday in the Toshakhana case)
is being sent for Human Rights & Rule of Law training to the UK in place of a Judge Sayyed Faizan Haider as a reward. 'Rule Of Law' training for… pic.twitter.com/wWG8KLuwpR

— Omar Ayub Khan (@OmarAyubKhan) August 5, 2023

عمر ایوب خان کا کہنا تھا کہ جج دلاور ہمایوں کے لیے قانون کی حکمرانی کی تربیت کیا اس سے زیادہ مضحکہ خیز کوئی بات ہو سکتی ہے؟ کامن ویلتھ سیکرٹریٹ، لندن ان کے تمام اخراجات اٹھا رہا ہے۔ انہیں شمالی کوریا بھیجا جائے تاکہ انہیں یہ سکھایا جائے کہ جعلی سزائیں کیسے دی جائیں۔