اٹک جیل کی انتظامیہ نے عمران خان سے ملاقات کرانے سے انکار کر دیا،نعیم پنجوتھا

چیئرمین پاکستان تحریک انصاف کے وکیل نعیم پنجوتھا کا کہنا ہے کہ اٹک جیل کی انتظامیہ نے عمران خان سے ملاقات کرانے سے انکار کر دیا۔ جیل اطراف کو نو گو ایریا بنا دیا ہے، مقامی آبادی کو بھی گزرنے نہیں دیا جا رہا۔ 

اطلاعات کے مطابق خان صاحب اٹک جیل میں خیریت سے ہیں۔ حکومت نے وکلاء سے ملنے، کھانا یا دیگر ضروری اشیاء وغیرہ لے جانے پر پابندی لگا دی ہے۔ جیل اطراف کو نو گو ایریا بنا دیا ہے، مقامی آبادی کو بھی گزرنے نہیں دیا جا رہا۔ آپ خان صاحب کیلۓ دعا کریں۔ خیر ہوگی .

— Naeem Haider Panjutha (@NaeemPanjuthaa) August 6, 2023

نعیم پنجوتھا کا کہنا ہے کہ ہماری اطلاعات سے مطابق خان صاحب خیریت سے ہیں۔ چیئرمین پی ٹی آئی سے ملاقات کر کے اٹارنی، کھاناو دیگر ضروری اشیاء اور دیگر دستاویزات پر دستخط کرانے ہیں لیکن جیل کی انتظامیہ نے عمران خان سے ملاقات کرانے سے انکار کر دیا۔ وکیل عمران خان نے بتایا کہ جیل انتظامیہ نےکہا پاور آف اٹارنی کے لیے پیر کو رابطہ کریں، اگر پیر کو بھی ملاقات نہ کرنے دی گئی تو ایک دن مزید ضائع ہو جائےگا۔

" خان صاحب کو ملنے سے انکار کر دیا گیا ہے،
کہا ہے کہ نہ آج نہ اتوار کو ملنا دیا جاۓ گا بلکہ یہ کہا گیا ہے کہ سموار کو رابطہ کریں "۔ ایڈووکیٹ نعیم حیدر پنجوتھ

ملک کے سابق وزیر اعظم اور ایک بین الاقوامی لیڈر کے ساتھ اس طرح کا سلوک کیوں کیا جا رہا ہے؟اس ملک میں تو بھارتی جاسوس… pic.twitter.com/iw3aFF41N0

— Hina Abbasi (@illusionisthina) August 5, 2023

یاد رہے کہ گزشتہ روز ایڈیشنل سیشن جج ہمایوں دلاور نے توشہ خانہ کیس میں چیئرمین پاکستان تحریک انصاف عمران خان کو 3 سال قید اور ایک لاکھ روپے جرمانے کی سزا سنائی تھی۔عدالت کی جانب سے سزا سنائے جانے کے بعد پولیس نے عمران خان کو لاہور میں ان کی رہائش گاہ سے گرفتار کر کے اسلام آباد منتقل کیا تھا جہاں سے انہیں اٹک جیل منتقل کیا گیا