رضوانہ تشدد کیس، سومیا عاصم کی درخواست ضمانت خارج

اسلام آباد: گھریلو ملازمہ رضوانہ تشدد کیس میں سول جج کی اہلیہ سومیا عاصم کی درخواست ضمانت خارج کرکے ملزمہ کو کمرہ عدالت کے باہر سے گرفتار کرلیا گیا۔

ملزمہ کے وکیل نے موقف اختیار کیا کہ بچی پر تشدد نہیں کیا گیا، بچی ڈھائی گھنٹے تک بس سٹاپ پربیٹھی رہی، اس پرعدالت نے تفتیشی افسر کو بس سٹاپ کی ویڈیو لینے کی ہدایت کی اور کہا کہ تفتیشی افسر کا کام دونوں فریقین سےثبوت حاصل کرنا تھا۔

وکلا کی جانب سے کوشش کی گئی کہ ہم اسلام آباد ہائی کورٹ سے حفاظتی ضمانت لینا چاہتے ہیں اگر اس سلسلے میں یہاں سے کوئی آرڈر کیا جائے تاکہ ہم حفاظتی ضمانت لے سکیں جس پر جج نے وکلا کی استداد مسترد کردی۔