قومی اسمبلی کو بلوں کی فیکٹری بنا دیا گیا ہے،شیخ رشید

عوامی مسلم لیگ کے سربراہ اور سابق وفاق وزیر داخلہ شیخ رشید احمد نے کہا ہے کہ 8 دنوں میں قومی اسمبلی کو بلوں کی فیکٹری بنا دیا گیا ہے جمہوریت مجبوریت اور چابی کا کھولنا ہے۔

اپنے ٹویٹ میں شیخ رشید کا کہنا تھا کہ کل پشاور کے ضمنی الیکشن میں پی ٹی آئی نے جمیعت علماء اسلام کو 440 وولٹ کا کرنٹ لگایا ہے۔ مولانا فضل الرحمان اپنا سمدھی گورنرتو لگوا سکتے ہیں لیکن اپنی پارٹی کو الیکشن نہیں جتوا سکتے، اگلی سیاست بھی اُن کی کٹی ہوئی پتنگ کی طرح ہوگی۔

72 گھنٹوں کے آخری 5 اووروں میں نگران وزیراعظم کے نام کا فیصلہ آجائے گا اگر اسحاق ڈار کا نام ڈراپ ہوگیا ہے تو سمجھ لیں نواز شریف کا نام ناک آوٹ ہو گیا ہے کیونکہ اکاونٹینٹ میں اور اکانومسٹ میں بڑافرق ہوتا ہے IMF کی دوسری قسط بھی الیکشن سے مربوط ہے اور نگرانوں کو ملے گی کل پشاور کے…

— Sheikh Rashid Ahmed (@ShkhRasheed) August 7, 2023

انہوں نے مزید کہا کہ 72 گھنٹوں کے آخری 5 اووروں میں نگران وزیراعظم کے نام کا فیصلہ آجائے گا اگر اسحاق ڈار کا نام ڈراپ ہوگیا ہے تو سمجھ لیں نواز شریف کا نام ناک آوٹ ہو گیا ہے کیونکہ اکاونٹینٹ میں اور اکانومسٹ میں بڑافرق ہوتا ہے۔ بردار یوسف شہباز شریف اور نواز شریف میں فاصلے بڑھ گئے ہیں، نعرے نواز شریف کے لگوا رہے ہیں اور اندر اندر سے کام اپنا ڈلوا رہے ہیں۔

سابق وفاقی وزیر نے کہا کہ 8 دنوں میں قومی اسمبلی کو بلوں کی فیکٹری بنا دیا گیا ہے جمہوریت مجبوریت اور چابی کا کھولنا ہے۔ سپریم کورٹ نے الیکشن کمیشن کو الیکشن کی واضح خدوخال بتا دیئے ہیں۔ بے شک نئی مردم شماری ہو، الیکشن کمیشن کو اُسی باؤنڈری کے اندر کھیلنا ہے۔ آئی ایم ایف کی دوسری قسط بھی الیکشن سے مربوط ہے جو نگراں حکومت کو ملے گی۔