عمران خان کی اٹک جیل سے اڈیا لہ جیل منتقلی کی درخواست پر ہائیکورٹ نے اعتراضات عائد کر دیے

چیئرمین پی ٹی آئی کے وکیل نعیم حیدر پنجوتھا کی جانب سے عمران خان کو اڈیالہ جیل منتقل کرنے کے لیے اسلام آباد ہائیکورٹ میں درخواست دائر کی گئی۔

چیئر مین پی ٹی آئی کی اٹک جیل سے اڈیالہ جیل منتقلی کی درخواست پر عدالت نے اعتراضات عائد کرتے ہوئے کہا اسلام آباد ہائیکورٹ کے رجسٹرار نے دائرہ اختیار نہ ہونےکا کا اعتراض عائد کر دیا اور ساتھ ہی وکالت نامے پر چیئر مین پی ٹی آئی کے دستخط نہ ہونے کا بھی اعتراض عائد کر دیا۔

نعیم پنجوتھا کی جانب سے دائر درخواست میں استدعا کی گئی ہے کہ چیئرمین پی ٹی آئی کو جیل میں اے کلاس فراہم کی جائے، چیئرمین پی ٹی آئی کی قانونی ٹیم کو جیل میں ملاقات کی اجازت دی جائے۔