وزیر اعظم شہباز شریف کا میجر طفیل محمد شہید نشانِ حیدرکو خراج عقیدت

اسلام آباد: وزیر اعظم محمد شہباز شریف نے میجر طفیل محمد(شہید نشانِ حیدر)کے یوم شہادت پرانہیں خراج عقیدت پیش کرتےہوئے کہا ہے کہ انہوں نے اپنی شجاعت و بہادری سے مادر وطن کی حفاظت اور فرض کی انجام دہی کی لازوال داستان رقم کی۔

منگل کو وزیراعظم آفس کے میڈیاونگ سے جاری بیان کے مطابق وزیراعظم نے کہا کہ میجر طفیل شہید نے وطن کی حفاظت کی خاطر اپنی جان کی بھی پرواہ نہ کی۔ پوری پاکستانی قوم میجر طفیل شہید کی اس قربانی پر انہیں خراجِ عقیدت پیش کرتی ہے۔

انہوں نے کہا کہ پاکستانی قوم اپنے شہدا کی قربانیاں کبھی فراموش نہیں کرے گی۔ پاکستانی قوم کو وطن کی سلامتی کی اپنے خون سے آبیاری کرنے والے شہدا اور ان کے اہلِ خانہ پر فخر ہے۔